नेपालगञ्ज : बाँकेको खजुरा ४ डि गाउँ मिनी रंगशालामा ९ औ डाफे कप फूटबल प्रतियोगिता यहि माघ १५ गतेदेखि सञ्चालन हुने भएको छ । न्यु डाफे स्पोर्ट्स क्लबको आयोजनामा नक आउट फूटबल प्रतियोगिता हुन लागेको हो ।
बुधबार आयोजित पत्रकार सम्मेलनमा क्लबका पुर्व अध्यक्ष प्रतियोगिता आयोजक समितिका संयोजक तिलकबिर सुनारले प्रतियोगितामा प्रथमलाई एकलाख ५५ हजार ५५५ र द्वितीयलाई ८५ हजार ५५५ रुपैयाँ नगद पुरस्कार प्रदान गरिने जानकारी दिए । उत्कृष्ट खेलाडी, गोलकिपर र सर्बाधिक गोलकर्तालाई पनि नगद २ हजार ५०० रुपैयाँ प्रदान गरिने क्लबका अध्यक्ष हरिप्रकाश बिकले जानकारी दिए ।
प्रथम पुरस्कर खजुरा ४ स्थायी घर भइ हाल अमेरिकामा रहेका लिलबहादुर थापाले ब्यक्तिगत सहयोग गर्ने घोषणा गरेका छन् ।
पत्रकार सम्मेलनमा वडा अध्यक्ष टेकबहादुर रोका लगायतको सहभागिता थियो ।
