नेपालगञ्ज : भारतको अयोध्यामा श्री राम मन्दिरको प्राण प्रतिष्ठाको अवसरमा बाँकेको डुडुवा गाउँपालिकाले सोमबार सार्वजनिक बिदा दिएको छ । श्रीराम जन्मभूमि भारतको अयोध्यामा नवनिर्मित राम मन्दिरमा हुने प्राण प्रतिष्ठाको अवसरमा गाउँपालिकाले बिदा दिएको हो ।
मन्दिरको प्राण प्रतिष्ठाको अवसरमा गाउँपालिका भित्रका भक्त श्रद्धालुहरुले विभिन्न धार्मिक कार्यक्रमहरु गर्ने भएकाले गाउँपालिका कार्यालय र मातहतका सबै निकायहरुमा सार्वजनिक विदा दिइएको गाउँपलिका अध्यक्ष नरेन्द्रकुमार चौधरीले बताए । गाउँपलिका अध्यक्ष चौधरी र उपाध्यक्ष शाहिदा बानोले संयुक्त रुपमा सूचना निकालेर सार्वजनिक विदा दिएको उल्लेख गरेका छन् ।
