नेपालगञ्ज : ‘प्रथम बैजनाथ तथा छैठौं प्रादेशिक औद्योगिक लघु, घरेलु, कृषि तथा प्रविधि’ सम्बन्धी प्रर्दशनी, ब्यापार एवं पर्यटन महोत्सव हुने भएको छ ।
घरेलु तथा साना उद्योग महासंघ बैजनाथ गाउँपालिका समिति र महिला उद्यमी समिति बैजनाथको आयोजनामा यही माघ १० गतेदेखि २१ गतेसम्म महोत्सव हुन लागेको हो । बैजनाथ गाउँपालिका वडा नम्बर ५ स्थित कोहलपुर न्यु सिटीमा महोत्सव गर्न लागिएको घरेलु तथा साना उद्योग महासंघ बैजनाथका अध्यक्ष दुर्गाप्रसाद पौडेलले जानकारी दिए ।
उक्त महोत्सवका लागि बैजनाथ गाउँपालिकाको संरक्षण, वडा नम्बर ५ कार्यालयको सह–आयोजना, स्मार्ट न्यु सिटी बैजनाथ ५ कोहलपुरको सहप्रायोजन तथा जय माता दी एम्युजमेन्ट एण्ड इभेन्ट म्यानेजमेन्ट प्रा.लि. बुटवलको व्यवस्थापनमा महोत्सव हुने उनले बताए ।
महोत्सवमा चर्चित कलाकारले प्रस्तुती देखाउने महासंघ बैजनाथका महासचिव कमल सुवेदीले बताए । महोत्सवमा प्रस्तुती देखाउने कलाकारको नाम सार्वजनिक गरिएको उनले जनाएका छन् ।
