नेपालगञ्ज : कोहलपुरमा मोटरसाइकलको ठक्करबाट १ जनाको मृत्यु भएको छ । कोहलपुर नगरपालिका वडा नम्बर १४ पार्वतीपुर बस्ने वर्ष ७० को प्रमोद पौडलको मृत्यु भएको हो ।
कोहलपुर १४ पार्बतीपुरको मन्दिर नजिकको भित्री बाटोमा बाटो क्रस गर्ने क्रममा पैदल यात्रु पौडेललाई मोटरसाइकलले ठक्कर दिएको थियो । ठक्करबाट घाइते भएका पौडेलको मेडिकल कलेज कोहलपुरमा उपचारका क्रममा मृत्यु भएको थियो ।
मोटरसाइकल र मोटरसाइकल चालक सोही ठाउँ बस्ने वर्ष ३८ को नेत्र लाल यादव प्रहरीले नियन्त्रणमा लिइसकेको छ । घटना सम्बन्धमा थप अनुसन्धान भइरहेको इलाका प्रहरी कार्यालय कोहलपुरले जनाएको छ ।
