जाजरकोट : भूकम्पले क्षति गरेको जाजरकोटस्थित बारेकोट गाउँपालिका वडा नम्बर ५ मा रहेको कांग्रेस पार्टी कार्यालयलाई नेकपा एमालेको स्वयंसेवक दस्ताले व्यवस्थापन गरेको छ ।
भत्किएको पार्टी कार्यालयमा नेकपा एमालेका स्वयंसेवक दस्ताले व्यवस्थापन गरेर भग्नावशेष निकाल्ने काम गरेको विपद व्यवस्थापन तथा स्वयंसेवक विभाग प्रमुख समेत रहेका एमाले केन्द्रीय सदस्य किरण पौडेलले बताएका छन् । भूकम्पले क्षति पुर्याएपछि उक्त कार्यालय बन्द अवस्थामा रहेको थियो ।
अखिल नेपाल किसान महासंघको टिम एफ वानले उक्त कार्यालय व्यवस्थापन गरेको बताइएको छ । विगत १२ दिन देखि पौडेलेको नेतृत्वमा रहेको एमाले स्वयंसेवक दस्ता भूकम्प प्रभावित क्षेत्रमा पुनःनिर्माण कार्यमा खटिएको छ ।
