नेपालगञ्ज : तिहारमा नेपालगञ्जमा राखिने गणेश र लक्ष्मीको मूर्ति विसर्जन कार्यलाई सदभाव र शान्तिपूर्ण तरिकाले सम्पन्न गर्न धार्मिक सद्भाव समिति बाँकेले वडा प्रहरी कार्यालय नेपालगन्जसँग छलफल गरेर विसर्जनको बाटो निर्धारण गरेको छ ।
नेपालगञ्जको धार्मिक सदभावलाई कायम राख्दै मूर्ति विसर्जन कार्यलाई शान्तिपूर्ण तरिकाले सम्पन्न गर्न सुरक्षा निकायसँग छलफल गरेर विसर्जनको रुट निर्धारण गरिएको धार्मिक सद्भाव समिति बाँकेका अध्यक्ष दीपक लोधले बताए ।
उनले मूर्ति बिसर्जन कार्यलाई भव्य र सभ्य कसरी बनाउने तथा कुन कुन बाटो भएर जाने बारेमा वडा प्रहरी कार्यालय नेपालगञ्जका प्रहरी प्रमुख प्रहरी निरीक्षक हरिबहादरर बिसीसँग छलफल भई रुट निर्धारण गरिएको बताए ।
वडा प्रहरी कार्यालय नेपालगन्जमा सम्पन्न भएको छलफलपछि गरिएको सहमतिअनुसार रानीतलाउ, त्रिभुवन चौक, त्रिबेणीमोड़, घरवारीटोल, धम्बोझी, सेतु बिक चोक, न्यूरोड, त्रिवेनिमोड़, वडा प्रहरी कार्यालय, फÞुल्टेक्रा हुँदै राप्तीघाटमा पुगेर मूर्ति विसर्जन गरिने छ ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
निर्धारित गरिएको रुटबाटै मूर्ति विसर्जनका लागि जान सम्बन्धित सबै समितिलाई पत्राचार गरेर जानकारी गराइएको पनि सदभाव समितिका अध्यक्ष लोधले बताए ।
मूर्ति विसर्जन कार्यलाई शान्तिपूर्ण तरिकाले भव्य र सभ्य रुपमा सम्पन्न गर्न भएको बैठक र छलफलमा वडा प्रहरी कार्यालय नेपालगञ्जका इन्चार्ज एवं प्रहरी निरीक्षक हरिबहादुर विसि, धार्मिक सद्भाव समितिका अध्यक्ष दीपक लोध, सदस्यहरु राहुल कनौजिया, शिव मन्दिर रानीतलाउ नेपालगञ्ज –८ का रामप्यारे वर्मा, रामजानकी मन्दिर नेपालगन्ज ७ का रिसबसिंह बाडियाको उपस्थिति रहेकोे थियो ।
यसअघि दसैंको बेला पनि दुर्गा माताको मूर्ति विसर्जनका लागि सदभाव समिति र स्थानीय प्रहरी प्रशासनको सहयोगले विसर्जन कार्य भव्य रुपमा शान्तिपूर्वक सम्पन्न भएको थियो ।