नेपालगञ्ज : बाँकेको शम्शेरगञ्ज नजिक पुर्ब पश्चिम राजमार्गमा भएको सवारी दुर्घटनामा घाइते भएकाहरुको स्वास्थ्य अवस्था बुझन लुम्बिनी प्रदेशका मुख्यमन्त्री डिल्ली बहादुर चौधरी अस्पताल पुगेका छन् ।
दाङका विभिन्न धार्मीक तथा पर्यटकीय स्थलहरुको अवलोकन भ्रमण सकेर बर्दिया जाँदै गरेको सवारी साधन बाँकेको शम्शेरगञ्जमा दुर्घटना हुँदा सात जनाको मुत्यु र २३ जना घाइते भएका थिए ।
मुख्यमन्त्री चौधरीले कोहलपुर मेडिकल कलेजमा उपचाररत १३ घाइतेहरुलाई प्रत्यक्षरुपमा भेटेर स्वास्थ्य लाभको कामना गर्दै स्वास्थ्य अबस्थाको वारेमा जानकारी लिएका छन् ।
उपचाररत घाइते विरामीहरुलाई उपचारमा कमि कमजोरी आउन नदिन अस्पताल प्रशासनलाई निर्देशन दिए ।
उपचाररत घाइतेहरुको स्वास्थ्य लाभको कामनासमेत गरे । उनले घाइतेहरुको उपचार र मृतकहरुको राहतका लागि प्रदेश सरकारले पहल गर्ने बताए ।
अस्पतालका प्रमुख सुनिल सिंहले उपचारमा कुनै पनि समस्या नआउने र उपचारलाई प्रभावकारी बनाइएको जानकारी दिए ।
अस्पतालमा उपचार सम्भव नभएकालाई रिफर गरिएको र सम्भव भएकाहरुको उपचार कोहलपुरमै सफल रुपमा भइरहेको प्रमुख सिहले जानकारी दिए ।
घाइतेहरुको शिघ्र स्वास्थ्यलाभको कामना गर्दै उपचारमा कमि हुन नदिन र उपचारलाई छिटो छरितो तथा प्रभावकारी बनाइने बताए ।
नेपाली काँग्रेस संसदीय दलका नेता जन्मजय तिमिल्सिनाले दुर्घटनाबाट प्रदेश नै मर्माहत भएको भन्दै सरकार गम्भीर हुनुपर्ने बताए ।
मुख्यमन्त्री चौधरीले दुर्घटनामा परि मुत्युवरण गर्नेहरु प्रति श्रद्धाञ्जली व्यक्त गरे भने परिवारजनमा समवेदना प्रकट गरे ।
दुर्घटनाले बर्दियाको ठाकुरद्धारा नगरपालिकाका सामाजिक व्यक्तिहरुको निधन भएको र त्यसले समाजमा ठूलो क्षति पुगेको चौधरीले बताए ।
