नेपालगञ्ज : नेपालगञ्ज मेडिकल कलेजको बस दुर्घटना हुँदा ६ जना घाइते भएका छन् ।
कोहलपुरबाट शिविरका लागि गएको भे १ क ३१८ नम्बरको बस डडेलधुरा र बैतडीको सिमामा पर्ने अनारखोलीमा सोमवार राती पौने ९ बजे दुर्घटना भएको हो ।
दुर्घटनामा ६ जना घाइते भएका छन् । दार्चुलाको गोकुलेश्वरमा आयोजना गरिएको स्वास्थ्य शिबिरका लागि मेडिकल कलेज कोहलपुरका स्त्री रोग विशेषज्ञ डा. बिनोद महासेठको नेतृत्वमा नर्सिङसटाफ र प्राबिधिक सहितको २४ जनाको टोली सोमवार दार्चुलाका लागि हिंडेको थियो ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
अस्पतालका सामाजिक सेव इकाइ उप–प्रमुख अब्दुल हुसेन खाँका अनुसार घाइतेहरुको डडेलधुरा अस्पतालमा उपचार भैरहेको छ । उनीहरु सबैको स्वास्थ्य अबस्था खतरामुक्त रहेको उनले जानकारी दिए ।
दुर्घटनामा दुई जनालाई अलि गहिरो चोट छ भने अरु सबैको अबस्था सामान्य रहेको छ । बसको ब्रेक फेल भएर दुर्घटनामा परेको बताइएको छ ।