नेपालगञ्ज : बाँके क्षेत्र नं.१ बाट निर्वाचित सांसद सुर्य प्रसाद ढकालले उपप्रधानमन्त्री एवम् ऊर्जा, जलस्रोत तथा सिंचाइ मन्त्री राजेन्द्र प्रसाद लिङ्देनसँग भेटघाट गरेका छन् ।
ढकालले बाँकेको राप्ती नदि कटान, डुडुवा नदि कटान, सिक्टा नहरका कामहरु बारे मन्त्री राजेन्द्र प्रसाद लिङ्देनलाई जानकारी गराएको बताएका छन् ।
बाँकेको विकासका लागि प्रत्येक मन्त्रालयहरुमा योजना माग गर्ने जस्ता कामहरु गरिरहेको उनले उल्लेख गरे । ढकालले मुख्यरुपमा तीन तहका सरकार बिच समन्वय र सहकार्य गर्ने काम भइरहेको समेत जानकारी गराएका छन् ।
