नेपालगञ्ज : नेपालगञ्ज उपमहानगरपालिका–२३ डम्पिङ साइड नजिकैबाट प्रहरीले अबैध काठ बरामद गरेको छ । प्रहरी चौकी तेलियनपुरबाट प्रहरी सहायक निरीक्षक धर्मबहादुर चन्दको कमाण्डमा खटिएको प्रहरीको टोलीले २४ क्युफिट बढि काठ बरामद गरेको हो ।
बेवारिसे अवस्थामा भेटिएको काठ नेपालगञ्ज डिभिजन वन कार्यालयलाई बुझाइएको छ । हिरिमिनिया प्रहरी र वन उपभोक्ता समुहलाई छलेर उक्त काठ तस्करहरुले भित्र्याउन सफल भएका थिए ।
प्रहरीको सुइँको पाएपछि भने उनीहरुले काठ छाडेर फाग्न सफल भएको बुझिएको छ । पछिल्लो समय बाँकेमा एसपी सन्तोष सिंह राठौरले कमाण्ड सम्हालेपछि अबैध तस्करीमा कडाइ गरिएको छ ।
राठौरले अबैध तस्करी नियन्त्रणमा मातहतलाई कडा निर्देशन दिएका छन् । जस्का कारण अबैध तस्करी नियन्त्रणमा प्रहरीले सक्रियता बढाएको हो ।
