कोहलपुर (बाँके) : राष्ट्रिय मानव अधिकार मञ्च नेपाल बाँकेको नव निर्वाचित कार्यसमितिलाई पदभार ग्रहण गरिएको छ ।
शनिबार बाँकेका प्रमुख जिल्ला अधिकारी सुर्यबहादुर खत्रीको प्रमुख अतिथ्यमा भएको कार्यक्रममा राष्ट्रिय मानव अधिकार मञ्च नेपालका केन्द्रीय अध्यक्ष गोपालप्रसाद घिमिरेले कार्यसमितिलाई पदभार ग्रहण गराएका हुन् ।
राष्ट्रिय मानव अधिकार मञ्च नेपाल बाँकेको कात्तिक १७ गतेको भेलाले रामबहादुर मल्लको अध्यक्षतामा १३ सदस्यीय कार्यसमिति गठन गरिएको थियो भने संस्थापक सदस्य र साधारण सदस्य गरी १८ जना रहेका छन् ।
कार्यसमितिको उपाध्यक्षमा अञ्जना पाण्डे, सचिवमा एकराज शर्मा, सह—सचिवमा राजन कँडेल र कोषाध्यक्षमा शिवध्वज शाही छन् ।
