नेपालगञ्ज : दाङको घोराहीस्थित तीन वटा फर्निचर उद्योगमा आगलागी भएको छ । घोराहीको शहिद उमेश मार्ग रोडमा रहेका तीन वटा फर्निचर उद्योगमा आगलागी हुँदा पूर्णरूपमा क्षति भएको छ ।
न्यू दाजुभाइ, दाजुभाइ र स्टार दाजुभाइ गरी तीन वटा फर्निचर उद्योगमा आगलागी भएको प्रहरीले जनाएको छ । आगलागीबाट करडौंको क्षति भएको अनुमान गरिएको छ ।
सोमवार राति करिब १२ बजेतिर लागेको आगो मंगलवार बिहान करिब साढे ४ बजे नियन्त्रणमा आएको हो । नेपाल प्रहरी, सशस्त्र प्रहरीले घोराही उपमहानगरपालिका, तुलसीपुर उपमहानगरपालिका र लमही नगरपालिकाको दमकलको सहयोगमा आगो नियन्त्रणमा लिइएको हो ।
