नेपालगञ्ज : भारतको उत्तर प्रदेश राज्यका पूर्व मुख्यमन्त्री एबम संघीय सरकारका पुर्व रक्षामन्त्री मुलायम सिंह यादवको ८२ वर्षको उमेरमा निधन भएको छ ।
हरियाणाको गुरुग्राममा रहेको मेदान्त अस्पतालमा उनको एक हप्ता अघिदेखि उपचार भइरहेको थियो । उपचारकै क्रममा उनको सोमवार बिहान निधन भएको हो ।
स्व.यादव सन् १९८९ मा पहिलो पटक उत्तर प्रदेशको मुख्यमन्त्री बन्दै उनी ३ पटक उत्तर प्रदेशको नेतृत्व गरेका थिए । उनी समाजवादी पार्टीका संस्थापक समेत थिए ।
