नेपालगञ्ज : बाँकेमा अविरल वर्षासँगै परेको चट्याङबाट एक जनाको मृत्यु भएको छ ।
बाँकेको बैजनाथ गाउँपालिका वडा नम्बर ३ का ६८ बर्षीय कालिबन बस्नेतको चट्याङ लागेर मृत्यु भएको बाँके प्रहरीले जानकारी दिएको छ ।
आइतबार दिउँसो साढे १२ तिर बस्नेत आफ्नो घरदेखि २ किलोमिटर उत्तर जंगल गाई चराउन गएको अवस्थामा चट्याङ परी गम्भीर घाईते भएका थिए ।
गम्भीर घाइते बस्नेतको नेपालगञ्ज मेडिकल कलेज नेपालगञ्जमा उपचारका क्रममा सोमवार बिहान साढे ४ बजे मृत्यु भएको जिल्ला प्रहरी बाँकेले जानकरी दिएको छ ।
