नेपालगञ्ज : लायन्स क्लब अफ नेपालगञ्जले निलसागर बृद्धाश्रम नेपालगञ्जलाई खाद्यान्न सहयोग गरेको छ ।
शनिवार एक कार्यक्रमका बीच बृद्धाश्रमलाई खाद्यान्न सहयोग गरिएको हो । लायन्स क्लब अफ नेपालगञ्जका अध्यक्ष पुस्कर खड्काको अध्यक्षता एवम् लायन्स क्लब अफ नेपाल ३२५ ’एन’ का प्रथम गभर्नर मुकुट ढकालको प्रमुख आतिथ्यतामा खाद्यान्न सहयोग गरिएको हो ।
खाद्यान्न ग्रहण गर्दै निलसागर बृद्धाश्रमकी अध्यक्ष सरस्वती खनालले लायन्स क्लब अफ नेपालगञ्जलाई धन्यवाद दिइन् । बृद्धाश्रमका सल्लाहकार कृष्णप्रसाद श्रेष्ठले सामाजिक सेवामा सबै तत्पर भएर लाग्नुपर्नेपमा जोड दिए ।
त्यसक्रममा लायन्स क्लब अफ नेपालगञ्जका प्रथम उपाध्यक्ष मख्खन धामी, द्वितीय उपाध्यक्ष यज्ञबहादुर बस्नेत, रिजन चेयरपर्सन रमानाथ ढकाल लगायत उपस्थित थिए । कार्यक्रमको सञ्चालन क्लबका सहसचिव तेजबहादुर रावलले गरेका थिए ।
