नेपालगञ्ज : दाङमा कारको ठक्करबाट एक पैदल यात्रुको मृत्यु भएको छ । घोराही उपमहानगरपालिका वडा नम्बर १० जलौरा चोकमा कारको ठक्करबाट स्थानीय २५ वर्षीय देवराज चौधरीको मृत्यु भएको छ ।
जिल्ला प्रहरी कार्यालय दाङका प्रहरी नायब उपरीक्षक मुकुन्दप्रसाद रिजालका अनुसार नारायणपुरबाट पूर्व घोराहीतर्फ जाँदै गरेको बा ०१ –०२५ च ७७६४ नम्बरको कारले चौधरीलाई आइतवार राती करिब पौने १० बजे ठक्कर दिएको थियो ।
घाइते चौधरीलाई उपचारका लागि घोराहीस्थित राप्ती स्वास्थ्य विज्ञान प्रतिष्ठानमा लगिएको थियो । उनको उपचारका क्रममा राति साढे १० बजे मृत्यु भएको प्रहरीले जनाएको छ ।
