नेपालगञ्ज : हल्का बर्षा भएसँगै बाँकेका किसानले राहत महसुस गरेका छन् । हल्का वर्षासँगै रोपाई गर्न पाइने भएपछि किसानहरुले राहत महसुस गरेका हुन् ।
असार १५ अर्थात् धान दिवसमा परेको पानीले रोपाई शुरु भएको बाँकेमा अहिलेसम्म ३० प्रतिशत हाराहारीमा रोपाई भएको छ ।
कृषि ज्ञान केन्द्र, बाँकेका प्रमुख सागर ढकालले ३० प्रतिशत हाराहारीमा रोपाइँ भएको जानकारी दिए । उनका अनुसार, यो वर्ष बाँकेमा ढिलोगरी धान रोपाई भएको हो । शुक्रबार विहानदेखि पानी पर्न थालेकाले रोपाई अव बढ्ने उनको भनाइ छ ।
बाँकेमा यो वर्ष राम्ररी पानी पर्न सकेको छैन । १५ गतेयता हल्का–हल्का वर्षा भएको छ । बाँकेमा ३६ हजार ५ सय हेक्टरमा धान खेती हुने गर्दछ । आकाशे पानीकै भर पर्नु र्ने भएकाले धानखेती राम्रो हुन सकेको छैन ।
