नेपालगञ्ज : प्रहरीले हराएको झोला, नगद तथा गरगहना फेला परि धनिलाई बुझाएको छ ।
बढैयाताल गाँउपालिका वडा नं.३ सिमरा वर्ष ५४ कि देवी सापकोटा सोमबार पोखरादेखि नेपालगञ्ज आउने क्रममा नगदसहितको अन्दाजी १० तोला बराबरको सुनको गरगहना हराएको थियो ।
सामान हराएको भनि जिल्ला प्रहरी कार्यालय बाँकेमा जानकारी गराए लगतै खटिएको प्रहरी टोलीले नेपालगंज उप–महानगरपालिका वडा नं.४ वसपार्क स्थित ग १ ख ९८४६ नं.को बसमा उक्त झोला सहित सामान मंगलबर फेला पारेको प्रहरीले जानकारी दिएको छ ।
झोलामा उल्लेखित सामानहरु नगद रु ८०००, पोते सहितको सुनको तिलहरी थान –२, सुनको सिक्री थान –१, सुनको वाला थान –२, सुनको चन्द्रमा थान –१, सुनको मंगलसुत्र थान –१ र सुनको औंठी थान –१ थान सापकोटालाई प्रहरीले बुझाएको हो ।
