राप्तीसोनारी (बाँके) : बाँकेको राप्तीसोनारी गाँउपालिका अध्यक्ष पदका उम्मेदवार तप्त पौडेले सोमबार मतदातालाई प्रत्यक्ष भेटेर उनीहरुको गुनासो सुनेका छन । मतदाताहरुको घरदैलो मै पुगेर उनीहरुका गुनासो सुनेको र धेरैका गुनासोलाई आफूले टिपोट गरेको उनले बताए ।
मौनअबधी सुरु हुने समय नजिकिदै गर्दा पुगेका उनले मतदाता भेटघाट कार्यलाई तिब्रता दिएको बताए । भेटघाटका क्रममा मतदाताहरुले सिंचाई, खानेपानी, बाटोघाटो, मल विउ लगायतका समस्या सुनाएका थिए ।
ती समस्या समाधान गर्ने योजना रहेको बताउदै अध्यक्ष पदका उम्मेदवार पौडेलले जनताको सेवामा सधै सर्मपित हुने प्रतिवद्धता जनाए ।
यसैक्रममा राप्तिसोनारी गाँउपालिका वडा नम्बर २ को हरीहरपुर र वडा नम्बर ६ मा पनि मतदातासंग भेटघाट गरिएको छ । अध्यक्ष पदका उम्मेदवार पौडेल र उपाध्यक्ष पदका उम्मेदवार मनिषा सिंह थारु लगायतले मतदाता भेटघाट गरिरहेको नेपाली कांग्रेस राप्ती सोनारीका सभापति भिमबहादुर रानाक्षेत्रीले जानकारी दिए ।
