नेपालगञ्ज : बाँकेको शम्सेरगञ्जमा कार दुर्घटना हुँदा १ जनाको मृत्यु भएको छ भने अर्का दुई जना घाइते भएका छन् ।
आइतबार साँझ राप्ती सोनारी गाउँपालिका वडा नं.८ शम्सेरगञ्जको जंगलमा पूर्वदेखि पश्चिमतर्फ आउँदै गरेको बा.प्र. ०१–०२७ च २५२२ नम्बरको कार आफै अनियन्त्रित दुर्घटना भएको थियो ।
दुर्घटनामा परेर कारमा सवार डडेलधुराको अमरगडी नगरपालिका वडा नं.७ की १५ वर्षीया प्रसंशा ऐरको उपचारका क्रममा मृत्यु भएको प्रहरीले जानकारी दिएको छ ।
कार चालक काठमाण्डौ बुढानिलकण्ठ नगरपालिका– २ बस्ने ३४ वर्षीय कमल केसी र डडेलधुरा अमरागडी नगरपालिका– ७ का ३९ वर्षीय डम्मर ऐर घाईते भएका छन् ।
