नेपालगञ्ज : नेपालगञ्ज उपमहानगरपालिका वडा नम्बर १५ जमुनाहाबाट लागुऔषधसहित एक जना पक्राउ परेका छन् ।
पक्राऊ पर्नेमा, जिल्ला दाङ बबई गाउँपालिका वडा नम्बर ४ बस्ने वर्ष अन्दाजी २१ का भुवन केसी रहेका छन् । उनलाई ईलाका प्रहरी कार्यालय जमुनाहबाट र लागुऔषध नियन्त्रण ब्युरो बाँकेबाट खटिएको संयुक्त प्रहरी टोलीले पक्राउ गरेको हो ।
प्रहरीका अनुसार, भारतबाट नेपाल तर्फ आउँदै गरेको केसीलाई जाँच गर्दा उनले लगाएको जिन्स पाइन्ट भित्र कम्मर मुनी लुकाई छिपाई राखेको प्रतिवन्धित लागुऔषध नाइट्राभेट ३०० ट्याब्लेट फेला पारी प्रहरीले नियन्त्रणमा लिएको थियो ।
