नेपालगञ्ज : बाँकेको राप्तीसोनारीमा मान्छेलाई पटक–पटक आक्रमण गरेको बाघलाई नियन्त्रणमा लिइएको छ । वन डिभिजन कार्यालय बाँकेका प्रमुख दधीराम कँडेलका अनुसार राप्तीसोनारी गाउँपालिका– ६ राप्ती पीडित सामुदायिक वनबाट बाघलाई नियन्त्रणमा लिइएको हो ।
उक्त स्थानमा बाघको आहाराका लागि विगत १२ दिनदेखि पाडो बाँधेर राखिएको थियो । बाघले पाडोलाई मंगलवार शिकार गरेकोमा बुधवार बिहान नियन्त्रणमा लिन सफल भएको बताइएको छ । प
ाडोलाई शिकार गरी माुस खान आएको बाघलाई राष्ट्रिय प्रकृती संरक्षण कोषका प्राविधिक, डिभिजन वन कार्यालय, बाँके राष्ट्रिय निकुञ्ज, स्थानीय वन उपभोक्ता लगायतको टोलीले नियन्त्रणमा लिएको हो ।
राप्ती पीडित सामुदायिक वनमा पछिल्लो पटक बाघले धनबहादुर चलाउनेलाई आक्रमण गरेको थियो । नियन्त्रणमा लिइएको बाघलाई नेपालगञ्जस्थित वन कार्यालयको खोरमा ल्याएर राखिएको कँडेलले बताए ।
पछिल्लो केही महिनादेखि राप्तीसोनारी गाउँपालिका वडा नं ४ र ६ मा बाघले पटक–पटक आक्रमण गरेको थियो ।
