नेपालगञ्ज : दाङमा करिब आठ किलो चरेससहित दुई जना पक्राउ परेका छन् ।
रुकुमको भुमे गाउँपालिका वडा नम्बर ९ चुनवाङ घर भई हाल घोराही उपमहानगरपालिका नयाँ बसपार्क बस्ने ५० वर्षीय दलबहादुर कामी र घोराही उपमहानगरपालिका वडा नम्बर–१८ गिठेपानी बस्दै आएका ५९ वर्षीय कर्णबहादुर पुन पक्राउ परेको प्रहरीले जनाएको छ ।
दलबहादुरको कोठाबाट ७ किलो ७ सय ७९ ग्राम लागूऔषध चरेससहित उनीहरु पक्राउ परेको जिल्ला प्रहरी कार्यालय दाङका प्रवक्ता प्रहरी नायब उपरीक्षक मुकुन्द रिजालले जानकारी दिए ।
