काठामाण्डौ : नेकपा एमालेका अध्यक्ष केपी शर्मा ओलीलाई कोरोना संक्रमण देखिएको छ । शनिवार गरिएको पिसिआर परीक्षणमा अध्यक्ष ओलीलाई पोजिटिभ देखिएको सचिवालयले जनाएको छ । उनको स्वास्थ्य अवस्था सामान्य रहेको र घरमै आराम गरिरहेको सचिवालयले जनाएको छ ।
अध्यक्ष ओलीलाई पहिलो पटक कोरोना संक्रमण भएको हो । उच्च सावधानी अपनाउँदै आएका पूर्वप्रधानमन्त्री ओली यसपटक तेस्रो लहरमा भने संक्रमित बन्न पुगे । अध्यक्ष ओलीसँगै पत्नी राधिका शाक्यलाई पनि कोरोना संक्रमण देखिएको छ । दुबैको स्वास्थ्य अवस्था सामान्य रहेको उनको सचिवालयले जनाएको छ ।
अध्यक्ष ओलीलाई कोरोना पोजेटिभ देखिएका कारण आज हुने भनिएको पत्रकार सम्मेलन स्थगित भएको हो । अध्यक्ष ओलीले समसामयिक राजनीतिक परिस्थितीका बारेमा व्यक्त गर्ने धारणा वक्तव्य मार्फत एमालेले केहीबरेमा सार्वजनिक गर्ने सचिवालयले जनाएको छ । फोटो : समाजिक सञ्जालबाट साभार
