नेपालगञ्ज : चिसोको कारण जनजीवन अस्तव्यस्त भएको बेलामा पनि नागरिकको सुरक्षामा खटिदै आएका प्रहरीलाई न्यानो पार्न लियो क्लवले हिटर उपलब्ध गराएको छ ।
लियो क्लब अफ नेपालगन्ज सिद्दिबिनायकद्वारा नेपालगञ्जका विभिन्न स्थानमा रहेका प्रहरी बिटमा ईलेक्ट्रिक हिटर उपलब्ध गराएको हो । नेपालगञ्जका प्रमुख चोक विपि चोक, धम्बोजी, सेतु बिक चोक, त्रिभुवन चोक, कारकादो, विशाल चोकका प्रहरी बिटहरुमा हिटर वितरण गरिएको क्लबका सेक्रेटरी सिद्धार्थ कायस्थले जानकारी दिए ।
सो कार्यक्रममा लायन्स क्लवका कार्यकारी प्रमुख ज्ञानेन्द्र श्रेष्ठ, लायन्स क्लब नेपालगञ्जका अध्यक्ष राजन राना मगर, लियो क्लबका सल्लाहकार बिबेक श्रेष्ठ, त्यसैगरि लियो क्लब अफ सिद्दिविनायकका चार्टर अध्यक्ष निलेस श्रेष्ठ ,लियो क्लब अफ नेपालगञ्ज सिटि अध्यक्ष अन्सु थापामगरको उपस्थिति रहेको थियो ।
लियो क्ल्वले समाजसेवाका कार्यलाई निरन्तर रुपमा जोड दिदैआएको छ ,उक्त हिटर वितरण कार्यक्रम लियो क्लव अफ नेपालगञ्जका सेक्रेटरी सिद्धार्थ काएस्थको नेतृत्वमा भएको थियो ।
