नेपालगञ्ज : बाँकेमा कोरोना भाइरस संक्रमणका कारण थप दुईजना बिरामीको मृत्यु भएको छ । नेपालगञ्जस्थित भेरी अस्पतालमा उपचारका क्रममा बैजनाथ गाउँपालिका–५ बाँकेका ६८ वर्षीय पुरुष र गढवा गाउँपालिका–७ दाङका ४९ वर्षीया महिलाको मृत्यु भएको जिल्ला कोभिड व्यवस्थापन केन्द्रका फोकलपर्सन तेज ओलीले जानकारी दिए ।
बैजनाथका पुरुष कार्तिक ३० गते कोभिड पुष्टि भएपछि सोही दिन उपचारका लागि भेरी अस्पतालको कोभिड वार्डमा भर्ना भएका थिए । स्वास्थ्यमा सुधार नआउँदा उनको शनिवार राती ११ बजे मृत्यु भएको हो ।
त्यस्तै गढवा गाउँपालिका–७ दाङका महिलालाई कात्तिक २५ गते कोरोना संक्रमण पुष्टि भएपछि थप उपचारका लागि उनी त्यसैदिन भेरी अस्पतालमा भर्ना भएकी थिइन् । उनको आइतवार बिहान ३ बजे मृत्यु भएको केन्द्रले जनाएको छ ।
योसँगै कोरोना भाइरस संक्रमणका कारण बाँकेमा उपचारका लागि बाहिरी जिल्लाबाट आएका ४३३ जनाको मृत्यु भएको छ ।
