नेपालगञ्ज : ‘स्वेच्छिक कर सहभागितामा अभिवृद्धिः सुशासन, विकास र समृद्धि’ भन्ने नाराका साथ बुधवारदेखि १० औँ राष्ट्रिय कर दिवस शुरु भएको छ । साताव्यापी कार्यक्रमको आयोजना गरी बाँकेसहित देशभर कर दिवस मनाउने गरिन्छ ।
आधुनिक एवं वैज्ञानिक कर प्रणाली तर्फको प्रस्थान विन्दुका रुपमा नेपालमा मूल्य अभिवृद्धि कर लागू भएको दिनको स्मरण गर्दैै हरेक वर्ष मङ्सिर १ गते राष्ट्रिय कर दिवस मनाउन थालिएको हो ।
दिवसका अवसरमा आन्तरिक राजश्व कार्यालय नेपालगञ्जले पनि साताव्यापी कार्यक्रमको आयोजना गरेको कार्यालय प्रमुख शरदचन्द्र पोख्रेलले जानकारी दिए ।
कर सप्ताहको नेपालगञ्जका मेयर डा धवलशम्शेर राणाले उद्घाटन गरेका छन् । कर सप्ताहमा कर शिक्षा सम्वन्धित कार्यक्रम, उत्कृष्ठ करदातालाई सम्मानलगायतका कार्यक्रम आयोजना गरिएको पोख्रेलले जानकारी दिए ।
