नेपालगञ्ज : कोहलपुर नगरपालिकाले स्वीकृत कार्यक्रमअनुसार लोकसेवा तयारी कक्षा सञ्चालन गर्ने भएको छ । नगरपालिकाले यही फागुन १ गतेदेखि सहायक स्तर पाँचौं तहको परीक्षाका लागि तयारी कक्षा सञ्चालन गर्ने भएको हो ।
१० प्लस २ (१२) कक्षा उत्तीर्ण भएकालाई लोकसेवा तयारी कक्षा सञ्चालन गर्न लागिएको कोहलपुर नगरपालिकाकी उपप्रमुख संगीता सुवेदीले बताइन् । लोकसेवा अध्ययन गरिरहेकाहरूलाई थप सजिलो गराउन र उत्साह प्रदान गर्न लोकसेवाको तयारी कक्षा सञ्चालन गर्न लागिएको उनको भनाइ छ ।
‘कोहलपुरका धेरै युवायुवतीहरूले लोकसेवा आयोग अध्ययन गरिराख्नुभएको छ,’ उनले भनिन्, ‘उहाँहरूको प्रयासलाई नगरपालिकाले पनि सहयोगका लागि लोकसेवा तयारी कक्षा सुरु गरेको हो ।’
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
नगरकै दक्ष जनशक्ति भए यहाँको विकास निर्माण, सुशासन र सेवा प्रवाहमा सहयोग पुग्ने अपेक्षा नगरपालिकाले गरेको छ । नगरको उक्त कार्यको लोकसेवा तयारी गरिरहेकाहरू खुशी भएका छन् ।
यसमा दलित, महिला, स्थानीय र आर्थिकरुपमा विपन्नता भएकालाई प्राथमिकतामा राखिएको नगरपालिकाले जनाएको छ । कोहलपुरका सबै वडालाई यसमा सहभागी बनाइने उपप्रमुख सुवेदीले बताइन् ।
राम्रो कार्यकाे थालन। अनि याे कक्षा लिन कसरी सकिन्छ ?? थप जानकारी पाउ न । म पनि लिन चाहन्छु