नेपालगञ्जमा एक लाख पुरस्कारको फुटबल प्रतियोगिता हुने

सदरलाइन संवाददाता ७ आश्विन २०७८, बिहीबार १२:४८
 

नेपालगञ्ज : नेपालगञ्जमा एक लाख बढी पुरस्कार रहेको फुटबल प्रतियोगिता हुने भएको छ । रोयल नेपालगञ्ज फुटबल क्लवले असोज १५ गतेदेखि नेपालगञ्ज रंगशालामा प्रथम बागेश्वरी नकआउट फुटबल प्रतियोगिता गर्न थालेको हो ।

बाँके जिल्लाका खेलाडीलाई प्रोत्साहन गर्ने उद्देश्यले क्लवले प्रतियोगिता गर्न थालेको रोयलका अध्यक्ष एवं एन्फा लुम्बिनीका उपाध्यक्ष सूर्यमणि अधिकारीले जानकारी दिए ।

प्रतियोगिताका लागि असोज ११ गतेसम्म टीम दर्ताको समय तोकिएको छ । बाँके जिल्ला फुटबल संघ, राष्ट्रिय खेलकुद परिषद्, जिल्ला प्रशासन कार्यालय र स्थानीय सरकारमध्ये कुनै एकमा दर्ता भएका क्लवले प्रतियोगितामा भाग लिन पाउने नियम बनाइएको छ । प्रतियोगितामा भाग लिने खेलाडी बाँके जिल्लावासी हुनु पर्नेछ । विभागीय क्लवको हकमा बाँके जिल्लामा कार्यरत हुनुपर्नेछ ।

प्रतियोगिताको विजेताले एक लाख एघार हजार एक सय एघार रुपैया, मेडल, ट्रफी र प्रमाणपत्र प्राप्त गर्नेछ । द्वितिय हुनेलाई ५१ हजार एक सय एघार रुपैया, मेडल, ट्रफी र प्रमाणपत्र राखिएको छ ।

बाँकेमा फुटबल संघमा एघार वटा क्लव आवद्ध छन् । त्यसबाहेक राखेप, जिल्ला प्रशासन कार्यालय वा स्थानीय सरकारमा दर्ता भएका गरी डेढ दर्जनबढी क्लवले प्रतियोगितामा भाग लिने क्लवका महासचिव दीर्घराज आचार्यले जानकारी दिए ।

मध्यपश्चिम क्षेत्रीय खेलकुद विकास समितिले नेपालगञ्ज रंगशालामा प्रतियोगिता गराउन र खेलाडीलाई अभ्यास गर्न दिन थालिसकेको छ । निश्चित मापदण्ड पुगेका खेलाडीलाई रंगशालामा नियमित अभ्यास गर्न दिने तयारी भइरहदा असोज १५ गतेदेखिनै एक लाख बढी पुरस्कार रहेको प्रतियोगिता हुन थालेको हो ।

बाँके जिल्लाका खेलाडीलाई फोकस गरेर आयोजना गरिएको प्रतियोगिताबाट जिल्लाको टीम बनाउन सघाउ पुग्ने विश्वास गरिएको छ ।

Leave a Reply

Your email address will not be published. Required fields are marked *

Next Post

कोरोनाबाट भेरी अस्पतालमा एक पुरुषको मृत्यु

७ आश्विन २०७८, बिहीबार १२:४८
नेपालगञ्ज : कोरोना सांक्रमणबाट बाँकेमा थप एक जनाको मृत्यु भएको छ । भेरी अस्पताल नेपालगञ्जमा उपचारका क्रममा एक पुरुषको मृत्यु भएको हो । बैजनाथ गाउँपालिका ४ बाँकेका ५७ वर्षीय पुरुषको उपचारका क्रममा मृत्यु भएको जिल्ला कोभिड– १९ ब्यवस्थापन केन्द्र बाँकेका फोकल पर्सन तेज ओलीले जानकारी दिए । भदौं ५ गते […]

सम्बन्धित