झाडी सफा गरेपछि रंगशाला फुटबल खेल्न लायक

सदरलाइन संवाददाता ३१ भाद्र २०७८, बिहीबार १७:०७
 

नेपालगञ्ज : नेपालगञ्ज रंगशाला फुटबल खेल्न लायक भएको छ । दुई वर्षदेखि पलाएको घाँसलाई काटेर सफा गरिएपछि फुटबल मैदान खेल्न लायक भएको हो ।

रंगशालामा ३६ लाख बढीको बर्मुडा दुबो रोपेर अन्तर्राष्ट्रियस्तरको बनाएपनि पछिल्लो दुई वर्ष खेल गतिविधि ठप्प हुँदा मैदान झाडीमा परिणत भएको थियो । आठौ राष्ट्रिय खेलकुद प्रतियोगिताको लागि सिंगारिएको रंगशालामा त्यसपछि केही प्रतियोगितामात्रै भएको छ ।

रंगशालामा बर्मुडा दुबो रोपेपछि स्थानीय खेलाडी र क्लवले खेल्न पाएका छैनन् । दुई वर्षदेखि पलाएको घाँसले बर्मुडालाई मारिसकेको छ ।

नेपाली सेनाको भैरवप्रसाद गण, इमामनगर ब्यारेक, राँझाका सेनाले घाँस काटिदिएपछि खेल्न लायक भएको रंगशालामा जिल्लाका खेलाडीलाई खेल्न दिने तयारी गरिएको छ ।

मध्यपश्चिम क्षेत्रीय खेलकुद विकास समितिका कार्यालय प्रमुख महेश चन्दले जिल्लाका सिनियर फुटबल खेलाडीलाई रंगशालामा अभ्यास गर्न दिने तयारी भएको जानकारी दिए ।

Leave a Reply

Your email address will not be published. Required fields are marked *

Next Post

म्याद नाघेका र लेवल नछापी प्याकिङ्ग गरिएका सामान सहित १ जना बर्दिया प्रहरीको नियन्त्रणमा

३१ भाद्र २०७८, बिहीबार १७:०७
नेपालगन्ज : बर्दिया प्रहरीले म्याद नाघेका तथा लेवल नछापी प्याकिङ्ग गरिएको सामान सहित १ जनालाई नियन्त्रणमा लिएको छ । जिल्ला प्रहरी कार्यालय बर्दियाबाट खटिएको प्रहरी टोलिले नियमित चेकजाँचको क्रममा भादा पुलमा नेपालगंज देखि गुलरिया तर्फ जाँदै गरेको बा १८ च ११८५ नम्बरको गाडीमा रहेको म्याद नाघेका, लेवल नछापी प्याकिङ्ग गरिएका […]