दाङ : दाङ प्रहरीले १७ वर्षीया बालिकालाई सामूहिक बलात्कार गरेको आरोपमा तीन जनालाई प्रहरीले पक्राउ गरी मुद्दा दर्ता गरेको छ ।
पक्राउ पर्नेहरूमा बंगलाचुली गाउँपालिका–७ बिर्खे बस्ने २७ वर्षीय पवन रोका, २० वर्षीय यम बहादुर मास्की र २७ वर्षीय विनाराम मर्साङी रहेका जिल्ला प्रहरी कार्यालय दाङले जनाएको छ ।
तीजको नाच हेर्न गई फर्किने क्रममा सोही गाउँपालिका एक्लाबर नजिक जङ्गलमा उनीहरूले बालिकालाई बलात्कार गरेको प्रहरीले जनाएको छ ।
बलात्कार भएको खबर प्राप्त हुनासाथ प्रहरी चौकी हाँसीपुरबाट खटिएको प्रहरीले आरोपितहरूलाई पक्राउ गरेको जिल्ला प्रहरी प्रमुख सुरेशप्रसाद काफ्लेले जानकारी दिए ।
घटनाका सम्बन्धमा थप अनुसन्धान भइरहेको जिल्ला प्रहरी कार्यालय दाङले जनाएको छ ।
