नेपालगञ्ज : सल्यानमा भारतीय नम्बर प्लेटको बाइकमा प्रहरी चेक पोईन्टमा नरोकि भागेका एक युवक कटुवा पेस्तोल र २ राउण्ड गोलीसहित पक्राउ परेका छन् । भारतीय सी एच ०१ बी पी २१९४ नम्बरको मोटसाइकलमा सवार जाजरकोट नलगाड नगरपालिका ४ का २८ वर्षीय गणेश रावल सल्यानको वनगाड कुपिण्डे नगरपालिका १ सल्ली स्थित प्रहरी चेक पोईन्टमा नरोकी भागेका थिए ।
शंकास्पदरूपमा उनी भागेपछि ईलाका प्रहरी कार्यालय देवस्थल सल्यानबाटबाट मोटरसाईकलमा खटिएको प्रहरी टोलीले माथिल्लो सल्ली बजारबाट उनलाई पक्राउ गरेको कर्णाली प्रदेश प्रहरी कार्यालय सुर्खेतले जनाएको छ ।
रावल बुधवार विहान नेपालगञ्ज हुँदै जाजरकोट तर्फ जाँदै गरेका थिए । उनलाई नियन्त्रणमा लिई थप अनुसन्धान भइरको प्रहरीले जानकारी दिएको छ ।
