जाजरकोट : जुनीचाँदे गाउँपालिका–२ का वडाध्यक्ष रामबहादुर नेपालीलाई प्रहरीले पक्राउ गरेको छ । साउन १५ गते स्थानीय सर्पे नेपालीलाई डोरीले बाँधेर कुटपिट गरी बन्धक बनाएको आरोप लागेका वडाध्यक्ष नेपालीलाई प्रहरीले बिहीवार पक्राउ गरेको हो ।
पक्राउ परेका उनलाई आजै सदरमुकाम ल्याइने जिल्ला प्रहरी कार्यालय जाजरकोटले जनाएको छ ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
सर्पेलाई बन्धक बनाएपछि प्रहरी आएर मुक्त गरेको थियो। नेपालीले यो भन्दा अघि जुनीचाँदे गाउँपालिकाका स्वास्थ्य सह–संयोजक यज्ञश्वार बस्नेतलाई पनि कुटपिट गरेका थिए । सो मुद्दासमेत टुंगिएको छैन ।
त्यो भन्दा अघि स्थानीय युवाहरूसँग विवाद हुँदा नेपाली घाइते भएका थिए ।