नेपालगञ्ज : पर्यटन प्रबद्र्धन समिति बाँके र नाटा बाँकेको सहकार्यमा भेरी अस्पतालमा उपचारमा रहेका कोभिड–१९ संक्रमितका आफन्तलाई स्वास्थ्य सामाग्री र बाँकेमा पर्यटनका क्षेत्रमा कार्यरत मजदुरका लागि खाद्यान्न राहत वितरण गरिएको छ ।
नाटाका केन्द्रीय अध्यक्ष अच्यूत गुरागाईको प्रमुख आथित्यमा भेरी अस्पतालको कोभिड वार्डमा उपचारको लागि भर्ना भएको संक्रमितका आफन्त ३८ जनालाई स्वास्थ्य सामाग्री बितरण गरिएको हो ।
यसैगरी कोभिडका कारण रोजगारी गुमाएका पर्यटनका क्षेत्रमा कार्यरत मजदुरलाई लक्षित गरी उनीहरुको लागि खाद्यान्न राहत बितरण गरिएको छ । करिव २ सय जनालाई ५ हजार बढीको खाद्यान्न वितरण गरिएको पर्यटन प्रबद्र्धन समिति बाँकेका संयोजक कृष्णप्रसाद श्रेष्ठले जानकारी दिए ।
