काठमाण्डौ : निवर्तमान प्रधानमन्त्री केपी ओली तामझामका साथ बालुवाटारबाट बालकोटतर्फ फर्कंदै छन् । सोमबार सर्वोच्चले परमादेश जारी गरेसँगै शेरबहादुर देउवा प्रधानमन्त्री भएपछि ओली बालुवाटारबाट बालकोटस्थित आफ्नो निवास फर्किएका हुन् ।
ओलीलाई एमालेका कार्यकर्ताहरूले स्वागत तथा स्कर्टिङ गरिरहेका छन् । कार्यकर्ताहरूले हातमा राष्ट्रिय झण्डा बोकेका छन् भने ’आई लभ यू केपी बा’, ’केपी ओली जिन्दावाद’ लगायतका नारा लगाएका छन् । लाउड स्पिकरमा राष्ट्रिय गीत बजाइएको छ भने समर्थकको जयजयकारका साथै हामी छिट्टै फर्कन्छौँ जस्ता नारा लगाइएका छन् ।
