बर्दिया : बर्दियाको बढैयाताल गाउँपालिका–८ कण्ठपुरबाट अवैध लागूऔषध ब्राउन सुगरसहित २ जना पक्राउ परेका छन् ।
पक्राउ पर्नेहरूमा बर्दिया बाँसगढी नगरपालिका–३ बस्ने २३ वर्षीय खिम बहादुर विक र सोही ठाउँ बस्ने २० वर्षीय शिवा थारु रहेका छन् । उनीहरूलाई ३ सय ५० मिलीग्राम ब्राउनसुगरसहित आइतबार राति प्रहरीले पक्राउ गरेको हो ।
प्रहरी चौकी कालिकाबाट खटिएको प्रहरीले भारतबाट नेपालतर्फ आउँदै गरेका उनीहरूलाई जाँच गर्ने क्रममा उक्त पदार्थसहित फेला पारी पक्राउ गरेको प्रहरीले जानकारी दिएको छ ।
यस सम्बन्धमा थप अनुसन्धान गरिरहेको प्रहरीले जनाएको छ ।
