नेपालगञ्ज : पाटे बाघको छालासहित बाँके प्रहरीले दुई जनालाई पक्राउ गरेको छ । मेललेख गाउँपालिका–३ का २७ वर्षीय डम्वर बुढा र रामारोशन गाउँपालिका–५ का ३५ वर्षीय नन्दु बुढालाई प्रहरीले बिहीवार दिउँसो पक्राउ गरेको हो ।
जिल्लाको बैजनाथ गाउँपालिका–४ तिलकपुरबाट उनीहरु पक्राउ परेको बाँकेका एसपी श्यामकृष्ण अधिकारीले जानकारी दिए । पाटेबाघको छाला ल्याइरहेको भन्ने सूचनाको आधारमा जिल्ला प्रहरी कार्यालयबाट प्रहरी निरीक्षक रविन्द्र खनालको नेतृत्वमा गएको प्रहरीको टोलीले उनीहरुलाई पक्राउ गर्न सफल भएको हो ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
पाटेबाघको दुई थान छालासहित पक्राउ परेका उनीहरुमाथि थप अनुसन्धान भइरहेको एसपी अधिकारीले बताए । यसअघि पनि अस्ति बाँकेको कुसुमबाट चितुवाको छालासहित दुईजना पक्राउ परेका थिए ।