केही खुकुलो पार्दै बाँकेमा एक साता निषेधाज्ञा थपियो

सदरलाइन संवाददाता १४ असार २०७८, सोमबार १५:२०
 

नेपालगञ्ज : बाँकेमा एक साता निषेधाज्ञा थपिएको छ । निषेधाज्ञा थपिए पनि सार्वजनिक यातायातका सवारीसाधन चल्न पाउनेगरी खुकुलो भएको छ । अरु अधिकांश नियम पुरानै छन् ।

बाँकेका प्रमुख जिल्ला अधिकारी शिवराम गेलालले जिल्लामा ‘जोर–विजोर’ नम्वर प्रणालीबाट यातायातका साधानहरु चल्न दिने निर्णय भएको जानकारी दिए ।

जनस्वास्थयका मापदण्ड पालना गरी सञ्चालन दिने निर्णय भएको उहाँको भनाइ छ । बजार व्यवसाय भने विहान ९ बजेदेखि ४ बजेसम्म खोल्न दिने निर्णय यथावत रहेको प्रमुख जिल्ला अधिकारी गेलालले बताए ।

जनस्वास्थ्यको मापदण्ड पालना गरेर पसल व्यवसाय खोल्न दिने निर्णय कायमै रहेको उनको भनाइ छ । दोस्रो लहरको कोभिड–१९ को संक्रमण बढेपछि वैशाख १३ गतेदेखि निषेधाज्ञा जारी गरिएको थियो ।

Leave a Reply

Your email address will not be published. Required fields are marked *

Next Post

नयाँ शैक्षिक सत्रदेखि नेपालगञ्जमा गल्र्स कलेज सञ्चालन हुने

१४ असार २०७८, सोमबार १५:२०
नेपालगञ्ज : नेपालगञ्ज उपमहानगरपालिकाले लामो समयदेखि तयारी गरिरहेको गल्र्स कलेज नयाँ शैक्षिक सत्रदेखि शुरु हुने भएको छ । नेपालगञ्ज उपमहानगरपालिकाका मेयर डा. धवल शम्शेर राणा नेतृत्वको टोलीले सम्बन्धन लगायतका विषयमा आइतबार मध्यपश्चिम विश्वविद्यालयका उपकुलपति नन्दवहादुर सिंह लगायतका उच्च पदाधिकारीसँग छलफल गरेर फर्किएको छ । मध्यपश्चिम विश्वविद्यालयका उपकुलपतिसँग छलफलपछि नेपालगञ्ज फर्किएको […]

सम्बन्धित