नेपालगञ्ज : डोटीको पूर्वीचौकी गाउँपालिका–७ पोखरीको तीनट्टेमा से १ त ७८३९ नम्बरको ट्रयाक्टर दुर्घटना हुँदा एक जनाको घटनास्थलमै ज्यान गएको छ ।
जिल्ला प्रहरी कार्यालय डोटीका सूचना अधिकारी तथा प्रहरी निरीक्षक रवीन्द्र चन्दका अनुसार दुर्घटनामा परि ज्यान गुमाउनेमा गौरीगङ्गा नगरपालिका–४ का ट्रयाक्टर चालक ज्ञानबहादुर चौधरी रहनु भएको छ ।
दुर्घटनामा परि अछामको चौरापाटी गाउँपालिका–३ का नरबहादुर भुल गम्भीर घाइते भएका छन् । घाइतेलाई उपचारका लागि जिल्ला अस्पताल डोटी लगिएको प्रहरीले जानकारी दिएको छ । ट्रयाक्टर अनियन्त्रित भइ दुर्घटना भएको ट्राफिक प्रहरीले जनाएको छ ।
