नेपालगञ्ज : साहू समाज जिल्ला कार्य समिति नेपालगञ्ज बाँकेले कोरोना कहरको बेलामा उपचारमा रगतको अभाव हुन नदिने उद्देश्यले आगामी जेष्ठ २९ गते शनिवार रक्तदान कार्यक्रमको आयोजना गर्ने भएको छ ।
साहू समाज जिल्ला कार्य समिति र साहू समाज युवा जिल्ला समितिको बैठकमा रक्तदान कार्यक्रम आयोजना गर्ने निर्णय गरेको हो । अध्यक्ष हंसराम साहूको अध्यक्षतामा भएको बैठकमा कोरोना महामारीको बेलामा उपचारको लागि आवश्यक रगतको अभाव हुन नदिन रक्तदान कार्यक्रमको आयोजना गर्न लागेको हो ।
अध्यक्ष हंशरामले अहिलेको समयमा आमनागरिकको उपचारको लागि माग अनुसारको रगतको आवश्यकता पूरा गर्न सके जति सहयोग गर्दै जाने कार्यमा साहु समाज सधै तयार हुने बताए ।
रक्तदान कार्यक्रमका संयोजक प्रदिप साहले सो रक्तदान कार्यक्रममा समाजबाट धेरैभन्दा धेरै सहभागिता जनाउन आव्हान गरेका छन् । आयोजकले रक्तदान गर्नेलाई टिसर्ट, गम्छासहित सम्मानपत्र प्रदान गरिने संयोजक साहले बताए ।
