नेपालगञ्ज : पछिल्लो २४ घण्टामा बाँकेमा २५ जना कोरोना संक्रमित थपिएका छन् । जिल्ला कोभिड व्यवस्थापन समितिका फोकल पर्सन तेज वलीका अनुसार बाँकेका २ वटा पिसिआर प्रयोगशालामा गरिएको परीक्षणमा १२ महिला र १३ पुरष गरी २५ जनामा संक्रमण पुष्टि भएको हो ।
योसँगै बाँकेमा कोरोना संक्रमितको कुल संख्या १७ हजार ८९ पुगेको छ ।
यस्तै पछिल्लो २४ घण्टामा बाँकेमा ९४ जना कोरोनामुक्त भई डिस्चार्ज भएका छन् । वलीका अनुसार ३३ महिला र ६१ पुरुष गरी ९४ जना डिस्चार्ज भएका हुन् । योसँगै बाँकेमा कोरोनामुक्त हुनेको संख्या १६ हजार १ सय ६ पुगेको छ ।
यसैगरी बाँकेमा पछिल्लो २४ घण्टामा ७ जनाको मृत्यु भएको छ । फोकल पर्सन वलीका अनुसार बाँकेका २ र जिल्ला बाहिरका ५ जनाको मृत्यु भएको हो । योसँगै कोरानाबाट बाँकेमा २९५ जनाको मृत्यु भएको छ भने जिल्ला बाहिरका २९२ जनाको मृत्यु भएको छ ।
