नेपालगञ्ज : नेपाल कागजडटकमकी प्रधान सम्पादक अर्पना योगीले सामाजिक कार्यको शुभारम्भ गर्दै आर्थिक सहयोग गरेकी छन् ।
प्रधान सम्पादक योगीले भेरी अस्पतालमा बिरामी तथा कुरुवाहरुलाई २० रुपैयाँमा भर पेट खाना खुवाइ रहेको अन्जनी माता रसोईलाई एघार हजार एक सय रुपैयाँ सहयोग गरेकी हुन् ।
सहयोग रकम हस्तान्तरण गर्दै प्रधान सम्पादक योगीले आफ्नो समाजसेवा गर्ने इच्छा पहिला देखि नै भएको र अब आउने दिनहरुमा पनि सामाजिक कार्य गर्ने बताइन् । साथै, योगीले आफुले अन्य स्थानमा पनि सहयोग गर्ने बताएकी छन् ।
अन्जनी माता रसोईलाई सहयोग पश्चात् संस्थाका प्रवक्ता विमल चन्दले प्रधान सम्पादक योगीलाई बिशेष धन्यवाद व्यक्त गरेका थिए ।
