अवधी भाषी पत्रकारलाई डा.कर्णले निःशुल्क सेवा दिने

सदरलाइन संवाददाता ६ जेष्ठ २०७८, बिहीबार १६:४३
 

नेपालगञ्ज : बाँके जिल्लामा कोरोना संक्रमित अवधी भाषी पत्रकारहरुका लागि विशेषज्ञ चिकित्सकको व्यवस्था गरिएको छ । अवधी पत्रकार संघ नेपाल केन्द्रीय कार्यसमितिले कोरोना अवधिभरका लागि नेपाल चिकित्सक संघ भेरीका अध्यक्ष एवम् नेपालगन्ज मेडिकल कलेज शिक्षण अस्पतालमा कार्यरत डा. विनोद कर्णलाई स्वास्थ्य परामर्शदाताको रुपमा नियुक्त गरेको हो ।

डा. कर्णले होम आइसोलेसनमा बसेका पत्रकारहरुको घरमै आफु लगायत थप विशेषज्ञ डाक्टरको टोली पुगेर स्वास्थ्य उपचार गर्ने छन् । ‘कुनै अवधी भाषी पत्रकारहरुलाई कोरोना लागेर बिरामी भएमा संघद्वारा डा.कर्णसहितको चिकित्सक टोलीलाई साथमा लिएर घरमै गइ स्वास्थ्य चेकजाँच गराइनेछ’, संघका केन्द्रीय अध्यक्ष राकेश कुमार मिश्रले भने । डा. कर्णले औषधी उपचार तथा विभिन्न जाँचहरु गराउनु हुने र गम्भीर स्वास्थ्य अवस्था देखिएमा अस्पतालमा भर्नाका लागि रिफर गर्ने छन् ।

देशका अन्य जिल्लाका अवधी भाषी पत्रकारहरु कोभिड संक्रमित तथा विरामी पर्दा उपचारमा कुनै समस्या भएमा जिल्ला शाखामार्फत जानकारी गराएर सम्वन्धित जिल्लामा रहेका विशेषज्ञ डाक्टरको व्यवस्था गरिनेछ छ भने आकस्मिक अवस्थामा फोनबाट समेत परामर्श दिइने व्यवस्था मिलाइने छ ।

अवधी पत्रकार संघ बाँके शाखाका सहसचिव रइस शाहीको कोरोना संक्रमणले निधन भईसकेको छ भने अन्य केही पत्रकारहरु होम आइसोलेसनमा रहेका छन् । मृतक पत्रकार शाहीका परिवारलाई सरकारद्धारा केही सहयोग उपलब्ध गराउन समेत हामी जोडदार माग गर्दछौ विज्ञप्तिमा भनिएको छ ।

यसका साथै कोरोना संक्रमणको लक्षण देखिएमा वा संक्रमित भएर उपचार गराउन कुनै समस्या भएमा संघको हटलाईन नंं ९८५८०२४११९, ९८४८०२५००६ र ९८४८०२३५३४ मा सिधै कल गर्न पनि अनुरोध छ । जुन सुकै बेला पनि चिकित्सकसहितको स्वास्थ्य सेवा उपलब्ध गराउने संघले जनाएको छ ।

Leave a Reply

Your email address will not be published. Required fields are marked *

Next Post

स्वास्थ्य सामग्री हस्तान्त्रण

६ जेष्ठ २०७८, बिहीबार १६:४३
नेपालगञ्ज : रारा मानविय तथा बाताबरणीय स्रोत विकास प्रयास (रेरी) बैजनाथ–१ बाँके र सुशासनको क्षेत्रमा क्रियाशिल बास नेपालले एनटिभि कोहलपुरलाई कोभिड–१९ बिरुद्धको स्वास्थ्य सामाग्री उपलब्ध गराएको छ । रेरीले कोभिड–१९ को महामारीबाट जोगिदै जनतालाई सुशुचित गर्ने अभियानमा रहेको एनटिभि कोहलपुरको कार्यालय परिसरलाई सेनिटाईज गर्ने उपकरण र त्यसमा प्रयोग हुने केमिकल […]