नेपालगञ्ज : कञ्चनपुरका कोरोना संक्रमित पुरुषको बाँकेमा मृत्युु भएको छ । कञ्चनपुरको भिमदत्त नगरपालिका ५ का ७४ वर्षीय पुरुषको भेरी अस्पताल नेपालगञ्जमा सोमवार विहान मृत्यु भएको हो ।
उनी लामो समयदेखि मधुमेह र उच्च रक्तचापका विरामी थिए । स्वास्थ्यमा समस्या आएपछि कार्तिक २१ गते महाकाली अस्पतालमा भर्ना भएका उनमा २३ गते कोरोना पुष्टि भएको थियो ।
स्वास्थ्यमा सुधार नभएपछि कार्तिक २६ गते विहान उनलाई भेरी अस्पतालमा भर्ना गरिएको स्वास्थ्य कार्यालय बाँकेका कोरोना फोकल पर्सन नरेश श्रेष्ठले जानकारी दिए । योसँगै बाँकेमा उपचारका लागि आएका बाहिरी जिल्लाका ३८ जना कोरोना संक्रमितको मृत्यु भएको छ ।
