नेपालगञ्ज : नेपालगञ्जस्थित भेरी अस्पतालमा गरिएको परीक्षणमा १०६ जनालाई कोरोना संक्रमण पुष्टि भएको छ । पछिल्लो २४ घण्टामा संकलित १९० स्वाब परीक्षण गर्दा १०६ जनामा कोरोना संक्रमण पुष्टि भएको हो ।
भेरी अस्पतालद्वारा शनिवार जारी विवरण अनुसार मध्यान्ह १२ बजेसम्म १०६ जनामा कोरोनाको संक्रमण देखिएको हो । यो क्रम अझैं बढ्ने बताईएको छ । संक्रमितहरुमध्ये अधिकाशं नेपालगञ्जका रहेका छन ।
खुल्ला सिमाना, स्वास्थ्य मापदण्डको उलङ्घन र लापरवाहीका कारण बाँकेमा पछिल्लो एक सातामै कोरोनाको प्रकोप भयावह देखिएको छ । हरेक दिन सयौंको सँख्यामा कोरोना संक्रमित थपिदैं जादाँ समेत यहाँको प्रशासनले उचित कदम चाल्न सकेको छैन । संक्रमित भएका ब्यक्तिहरुको समेत उचित ब्यवस्थापन नहुँदा समुदायस्तरमै कोरोना फैलने जोखिम बढ्दै गएको छ ।
