नेपालगञ्ज : नेपालगञ्जस्थित भेरी अस्पतालमा पछिल्लो २४ घण्टामा १८ जना कोरोना सक्रमित थपिएका छन् ।
अस्पतालको ल्यावमा ४५ जनाको पीसीआर परीक्षण गर्दा १८ जनामा कोरोना संक्रमण पुष्टि भएको अस्पतालले जनाएको छ । कोरोना संक्रमित हुनेहरुमा बाँकेका १३ जना, बर्दिया, जाजरकोट, कैलाली, ललितपुर र सुर्खेतका १–१ जना रहेका छन् ।
बाँकेमा बुधवार आएको रिपार्टसँगै ४ हजार ७ सय ३० जनामा कोरोना संक्रमण पुष्टि भएको छ भने ४ हजार ६ सय ४९ जना निको भएर घर फर्केका छन् । बाँकेमा जिल्ला भित्रका ५६ र जिल्ला बाहिरका ८८ गरि १ सय ४४ जनाको कोरोना संक्रमणका कारण मृत्यु भएको छ ।
