जिल्लाको कोरोना ग्राफ :
नेपालगञ्ज : बाँकेका ८ वटा स्थानीय तह मध्ये नेपालगञ्ज उपमहानगरपालिकामा अहिलेसम्म सबैभन्दा धेरै कोरोना संक्रमित भेटिएका छन् । स्वास्थ कार्यालय बाँकेको तथ्याङ्क अनुसार नेपालगञ्जमा अहिलेसम्म सबैभन्दा धेरै ८ सय ५९ जना कोरोना संक्रमित भेटिएका हुन् । यो तथ्याङ्क आईतबार साँझ ५ः३० सम्मको हो ।
तथ्याङ्क अनुसार डुडुवा गाँउपालिकामा भने सबैभन्दा कम संक्रमित भेटिएका छन् । डुडुवामा अहिलेसम्म ३६ जना संक्रमित भेटिएका छन् । नेपालगञ्जलाई पछाउदै संख्याका आधारमा दोस्रो बढी संक्रमित कोहलपुर नगरपालिकामा भेटिएका छन् । कोहलपुरमा आजसम्म २ सय ४२ जना कोरोना संक्रमित भेटिएका छन् ।
यस्तै क्रमश ः खजुरामा १ सय २४, नरैनापुर गाँउपालिकामा १ सय २२, राप्तिसोनारी गाँउपालिकामा ८५, जानकी गाँउपालिकामा ६६, बैजनाथ गाँउपालिकामा ५८ र अन्य जिल्लाका बाँकेमा बसोबास गर्दै आएका २ सय २९ जना अन्य गरि बाँकेमा अहिले सम्म कुल संक्रमितको संख्या १ हजार ८ सय २१ पुगेको छ । जस मध्ये ५ सय ४ जना महिला रहेका छन् ।
बाँकेमा आईतबार साँझसम्म ३ सय ५३ महिला समेत गरी १ सय ४३ कोरोना संक्रमित डिस्चार्ज भएर घर फर्केका छन् । अहिलेसम्म बाँकेमा ४ महिला र ९ पुरुष गरि १३ जना संक्रमितको मृत्यु भईसकेको छ ।
