नेपालगञ्ज : कोरोना संक्रमणबाट बाँकेमा थप दुई जनाको मृत्यु भएको छ । बाँके र बर्दियाका एकएक जनाको कोरोनाबाट मृत्यु भएको हो । नेपालगञ्ज उपमहानगरपालिका वडा नं. २१ का २९ वर्षीय पुरुषको भेरी अस्पताल नेपालगञ्जमा उपचारका क्रममा शुक्रवार बेलुकी मृत्यु भएको छ ।
यस्तै बर्दियाको बारबर्दिया नगरपालिका १० का ७२ वर्षीय बृद्धको भेरी अस्पताल नेपालगञ्जमै उपचारका क्रममा मृत्यु भएको बाँके कोरोना फोकल पर्सन मानव नेपालीले जानकारी दिए ।
रोगको प्रकृतीअनुसार उपचार गरेपनि अवस्था विग्रिँदै जाँदा दुबै जनाको मृत्यु भएको नेपालीले पुष्टि बताए । योसँगै बाहिरी जिल्लाबाट कोरोना उपचारकालागि बाँके आएर ज्यान गुमाउनेको सँख्या ७१ पुगेको छ भने बाँकेका ४२ जनाको मृत्यु भइसकेको छ ।
