नेपालगञ्ज : बाँकेबाट एकैदिन थप ६४ जना कोरोनामुक्त भई डिस्चार्ज भएका छन् । विभिन्न आइसोलेशनमा रहेका १२ महिला ५२ पुरुष कोरोनामुक्त भई बिहीवार डिस्चार्ज भएका हुन् ।
बाँकेमा हालसम्म २ हजार ५ सय ५४ जनामा कोरोना पुष्टि भएको छ भने १ हजार ९ सय ६३ जना निको भएर डिस्चार्ज भएको जिल्ला कोभिड–१९ संकट व्यवस्थापन केन्द्र बाँकेका कोरोना फोकल पर्सन नरेश श्रेष्ठले जानकारी दिए ।
हाल जिल्लाको आइसोलेशनमा बाँकेका ५ सय ६५ र अन्य जिल्लाका २१ गरी ५ सय ८६ जना उपचाररत रहेको श्रेष्ठले बताए । कोरोना संक्रमणका कारण बाँकेमा हालसम्म मृतकको संख्या २७ पुगेको छ ।
