नेपालगञ्ज : आइतवार बाँकेका थप १८ जना कोरोनामुक्त भई डिस्चार्ज भएका छन् । डिस्चार्ज हुनेमध्ये अधिकांश होम आइसोलेशनमा बसेका थिए ।
योसंगै बाँकेमा कोरोना संक्रमणबाट निको भई डिस्चार्ज हुनेको संख्या १ हजार ६ सय २ पुगेको स्वास्थ्य कार्यालय बाँकेका कोरोना फोकल पर्सन नरेश श्रेष्ठले जानकारी दिए ।
अब आइसोलेशनमा बाँकेका ४ सय १४ र अन्य जिल्लाका १३ गरी ४ सय २७ जना रहेका छन् । बाँकेमा हालसम्म २ हजार ३६ जनामा कोरोना पुष्टि भएको छ भने २० जनाको मृत्युु भइसकेको छ ।
